Фудбалскиот сојуз на Италија ја започна истрагата во Јувентус, откако беше обелоденето обвинението дека на фудбалерите во клубот им биле исплаќани различни суми од оние што претходно биле пријавени.

Пред два дена раководството на Јувентус на чело со претседателот Андреа Ањели поднесе оставки, а предложија тогаш местото претседател да го превземе сметководител за клубот што подобро се носи со финансиски и правни проблеми.

Медиумите во Италија пишуваат дека Јувентус дури може да биде исфрлен од Серија „А“.

„Фалсификување на сметководствени и административни документи или било кои други незаконски активности, може да предизвика одземање на бодови, па дури и исфрлање од лигата“, пишуваат медиумите.