7.1 C
Скопје

На Детска клиника асистирала полиција, родители се заканувале по животот на докторите кои се грижат за нивното бебе (ВИДЕО)

И покрај тоа секојдневно се врши притисок на персоналот на болницата, проследени со разни навреди, закани по живот и  агресија која кулминираше денеска кога обезбедувањето на Клиниката мораше да повика и полициска асистенција- велат од Клиниката за детски болести.

Универзитетската Клиника за детски болести – Скопје,  испрати соопштение до нашата редакција со кое сака да ја информира јавноста за видео снимката која денеска се појави на социјалната мрежа Фејсбук, каде родители на мало бебе се жалат на медицинскиот персонал.

Снимката е направена на едно од одделенијата на Клиника за детски болести – Скопје на неа се гледа бебе кое тешко дише и притоа родителите ги коментираат и ги обвинуваат со имиња и презимиња лекарите за нејзината состојба.

Од Клиниката за детски болести во соопштението наведуваат дека мајката на бебето, во четвртиот месец од бременоста заболела од варичела. Направени се тестирања за можни последици по плодот, коешто семејството никогаш не ги подигнало.

Прочитајте и...  Грција го продолжи карантинот до 14 декември

-Имајќи предвид дека станува збор за комплексна ситуација, а со цел јавноста да добие целосна слика за случајот со пациентка, сакаме да дадеме и наш став во однос на денешната снимка. Имаме целосно разбирање за болката на родителите и со нив сме постојано последниве шест месеци. Мајката на бебето, во четвртиот месец од бременоста заболела од варичела. Направени се тестирања за можни последици по плодот, коешто семејството никогаш не ги подигнало. И покрај познатите медицински оправдани стравувања по евентуални последици по плодот, мајката  решила да го роди детето, без разлика на последиците. Токму како последица од варичелата, бебето се родило со комплетно нарушен имунолошки систем, односно не можност да се одбрани од бактерии ниту вируси.  Колку е ослабен имунитет покажува и фактот дека од самото раѓање детето било само неколку дена дома во рок од шест месеци. Направени се сите современи испитувања што само ја потврдуваат дијагнозата дека детето е родено со последица од варичелата додека мајката го носела плодот- наведуваат оттаму.

Прочитајте и...  На денешен ден - 4 декември

Комплетно ја разбираме нервозата на родителите, велат од Детската клиника, се обидуваме да помогнеме колку што можеме, но ситуацијата се менува секојдневно, а грижа за детето има постојано. Во секој момент на располагање се докторите на Клиниката кои досега повеќе пати отворено разговараат со родителите за состојбата на детето.

И покрај тоа секојдневно се врши притисок на персоналот на болницата, потенцираат од Клиниката за детски болести, проследени со разни навреди, закани по живот и  агресија која кулминираше денеска кога обезбедувањето на Клиниката мораше да повика и полициска асистенција.

-Како здравствени работници, но и како луѓе, родители, ја разбираме нивната борба за сопственото дете, но не ја разбираме потребата од психичко и физичко насилство врз оние кои деноноќно се борат за животот на нивното дете. Во овие тешки времиња за сите здравствени работници сакаме да повториме дека целиот медицински тим на Клиниката за детски болести во Скопје деноноќно се бори за најмалите. Нивниот живот за нас е приоритет и тука не треба да има ниту најмал сомнеж- појаснуваат оттаму.

Publiée par Aleksandra Aleksoska sur Mercredi 25 mars 2020

Поврзани вести

Сведочење во случајот „Таргет-Тврдина”: Поранешен командир на ПС Ѓорче Петров раскажуваше за заканите по живот

Слободен печат

Бугарија го објави планот за вакцинација, вакцината ќе биде бесплатна

Слободен печат

Без вода дел од жителите на Кисела Вода

Слободен печат

Почна поставувањето топловодни пумпи во клонот „Панорама“ од градинката „Кочо Рацин“

Слободен печат

ВИДЕО | Поцеска: Заштита на Курбиново може да се заврши во следните две години

Општина Демир Хисар ќе ангажира волонтери за помош во здравствената криза

Слободен печат

Остави Коментар