Во недела, на Божиќ, традиционално ќе се одржи Коњичкиот марш, кој веќе осма година по ред се организира на територија на општината Ѓорче Петров со поддршка од локалната самоуправа.

Стартот на маршот е најавен за 10 часот од бензинската пумпа во Ново Село. Крајната дестинација е Кучково, но претходно коњицата ќе помине и низ Волково, односно околу 10:30 часот каде што е предвидено учесниците да бидат пречекани со македонска народна музика.

Во Кучково, односно на сред село, се очекува учесниците на маршот да пристигнат околу 11 часот. Од тука предвидено е да се упатат до црквата „Свети Ѓоргија“ каде што напладне ќе биде поставена традиционална божикна трпеза.

Општина Ѓорче Петров ги поканува сите ѓорчепетровци да бидат дел од оваа традиционална манифестација и да се придружат на предвидените места на убава дружба и заедничка веселба по повод празничните денови.