МЗТ Скопје сепак ќе игра во АБА, Приморска и дефинитивно пред банкрот
„Металците“ сè уште имаат големи шанси во новата сезона наместо во АБА2 лигата да игра во најсилното регионално натпреварување, АБА лигата.
МТЗ Скопје Аеродром ја има „улогата“ на прва резерва и најверојатно ќе ја валоризира бидејќи словенечкиот тим Приморска се наоѓа пред финансиски колапс.
Приморска денеска и официјално го откажа настапот во словенечкиот Суперкуп бидејќи нема доволен број на кошаркари, се наоѓа во големи финансиски проблеми, а си замина и речиси целиот тим кој играше минатата сезона.
„Тимот од Копер ја информираше федерацијата дека имаат проблеми со составувањето на тимот и затоа нема да можат да учествуваат на Супер-купот, натпреварување со кое вообичаено стартува кошаркарската сезона во Словенија“, соопшти Кошаркарската Федерација на Словенија.
МЗТ Скопје ќе почека за влез во АБА, Приморска не се откажува иако има милионски долгови
Според словенечките медиуми, екипата која пред два месеци даде гаранции дека ќе успее да излезе од финансиската криза, пропаднале последните обиди да се обезбеди стабилен спонзор и се очекува наскоро и официјално да соопшти дека се откажува од настапот во АБА лигата.
Откажувањето на Приморска ќе значи дека МЗТ Скопје ќе биде нов член на АБА лигата како најдобропласиран тим во втората лига од минатогодинешната сезона, додека во АБА2 лигата Македонија ќе има уште еден претставник, тоа е екипата на Работнички.
