Регионалното кошаркарско натпреварување официјално објави кои екипи ќе играат во следната натпреварувачка сезона 2020/21.

Врз основа на резултатите во националните првенства, во сезоната 2020/21 во Втората АБА лига учесници се Горица, Хелиос Санс Домжале, Ловќен 1947, МЗТ Скопје Аеродром, Работнички, Слобода Ужице, Спарс Рилвеј, Сутјеска, Широки и Златибор.

Официјалниот календар би требало да биде усвоен на наредното Собрание на АБА лигата кое ќе биде одржано на 14 јули кога би требало да се знае точно кои клубови ќе настапуваат во првата АБА лига.

Таква шанса ќе чека МЗТ кој би бил учесник во елитата, доколку откаже словенечката Приморска која има финансиски проблеми. Во тој случај местото на аеродромскиот клуб во АБА2 лигата ќе го пополни Борац Бања Лука.

Во официјалното соопштение е потврдено дека првата и втората АБА лига до сезоната 2024/25 ќе бројат 14 клубови.

Следната сезона во првата АБА лига ќе започне на 19 септември 2020 година. Лигашкиот дел ќе се игра до 28 март 2021 година, додека почетокот на плејофот е закажан за 4 април. АБА2 лигата во сезоната 2020/21, започнува на 23 септември 2020 година. Лигашкиот дел ќе се игра до 7 април, додека почетокот на плејофот е закажан за 14 април.

Според усвоениот систем на натпреварување, последнопласираниот тим во првата АБА лига нема да има право на учество во наредната сезона, додека претпоследно пласираниот тим на првата АБА лига и финалистот на втората АБА лига ќе играат бараж за место во првата АБА лига.

Со оглед на присуството и развојот на вирусот Ковид-19, сè уште носат голем број на ограничувачки фактори, Собранието на АБА-лигата одлучи да го откаже АБА Суперкупот во сезоната 2020/21.

АБА-лигата и клубовите внимателно ќе ја следат состојбата со развојот на вирусот Ковид-19, ќе бидат во постојан контакт со државните и здравствените организации и ќе ги координираат нивните понатамошни чекори во согласност со можните ограничувања.