Министерството за внатрешни работи испитува кои се двете лица што фотографирани во автомобил, облечени во полициска униформа, споделиле фотографија на Фејсбук под која напишале ,,седете дома клошари”.

Како што дознава Слободен печат, во моментов се прават проверки за идентитетите на лицата како и за тоа од кои населби потекнуваат. Се утврдува идентитетот и на трето лице, исто така облечено во полициска униформа фотографирано пред икона од светица, кое напишало на фотографијата: Единицата формирана, ако ве зачекам после 9 пендрек и 10 години робија, казна нема.

Овие фотографии и пораки предизвикаа вознемиреност кај граѓаните кои преку социјалните мрежи масовно ги споделуваат. Од МВР за Слободен печат велат дека во текот на денот официјално ќе информираат за сознанијата до кои дошле, преку соопштение до медиумите кои изразиле интерес за настанот.