Во Извршниот одбор на СДСМ веќе нема да членуваат Мухамед Зеќири, Благој Бочварски, Васко Ковачевски и Тања Томиќ, кои ќе ги отстапат своите места главно на функционери кои досега не биле членови на највисокото партиско тело на СДСМ, објави ТВ24.

Како што објави „Слободен печат“, поранешниот генерален секретар на партијата, Андреј Петров, пратеничката Даниела Колева, шефот на кабинет на Венко Филипче во здравство, Дритон Исмаили, како и професорите Леонид Наков и Мишко Ралев се дел од имињата кои се спомнуваат како нови членови на Извршниот одбор на партијата, кои се очекува вечерва да ги предложи новиот претседател на СДСМ, Димитар Ковачевски.

Од актуелните членови на високото партиско тело, според извори во партијата на кои се повикува телевизијата, на функциите остануваат Петре Шилегов, Милена Стевановиќ, Костадин Костадинов, Дарко Каевски, како и Нина Фити, која е во игра за потпретседателската функција, заедно со Бисера Костадиновска Стојчевска, Стефан Богоев и Фатмир Битиќи.