Амбасадорот на Албанија во земјава, Денјон Мејдани, би можел предвреме да ја заврши својата дипломатска мисија во Скопје и да биде отповикан, објави албанската телевизија „А2“, повикувајќи се на извори од Скопје и од албанското Министерство за надворешни работи.

Според информациите, причините за евентуалното повлекување се поврзуваат со незадоволство во владејачката коалиција, односно во ВМРО-ДПМНЕ и во Вреди поради ставовите на Мејдани во дебатите околу прашањето со употребата на албанскиот јазик во Македонија. Телевизијата потсетува дека Мејдани јавно покажал поддршка за студентите Албанци кои бараат можност да полагаат правосуден испит на албански јазик.

Според истите извори, се разгледува можноста Мејдани да биде назначен за амбасадор на Албанија во Косово, а можен нов амбасадор во Северна Македонија да биде Петрит Маљај.

Информациите засега не се официјално потврдени ниту од албанското Министерство за надворешни работи ниту од македонското МНР.

Националистички извици, тепачка и најави за решение на протестот на студентите Албанци за правосудниот испит