Бранко Аџигогов од крајот на минатата недела повеќе не е генераен директор на Фондот за здравствено осигурување, соопшти денеска ФЗО.

Оваа одлука, според соопштението, произлегува од новата концепција ФЗО да има само еден, наместо два генерални директори, како досега.

Во случајов, Сашо Клековски останува и натаму да раководи со Фондот како единствен генерален директор.

Фондот за здравствено осогурување се враќа на стариот концепт и со оваа институција нема да раководат двајца директори, туку еден, најави претходно Клековски уште во јули.

– Концептот на раководен орган од два директора кои се подеднакво одговорни за работењето на Фондот се напушта и се враќа концептот на директор и заменик на директорот, што постоеше до 2007 година – рече тогаш тој.