Кралската австралиска ковачница наиде на критики откако издаде две комеморативни монети со портретот на покојната кралица Елизабета Втора. Сребрените монети од 5 долари (2,56 фунти) и 50 центи, изработени по повод стогодишнината од раѓањето на кралицата, беа објавени преку онлајн гласање што заврши во средата, пренесува Би-би-си.

– Ова мора да е најнепријатниот портрет што сум го видел на монета – изјавило едно од неколкуте лица кои реагираа негативно.

Кралската австралиска ковачница го бранеше портретот, наведувајќи: „Сликите на нашите монети не секогаш ја доловуваат целосната убавина на дизајнот откако ќе биде врежан во метал.“

Кралицата Елизабета Втора почина во 2022 година на 96-годишна возраст и беше најдолго владејачкиот монарх во историјата на Велика Британија.

– Постои причина зошто повеќето портрети се од профил. Изгледа како штотуку да удрила во ѕид – коментирало едно лице под објава на ковачницата на Фејсбук.

– Ако го видев тоа лице без фризурата и бисерите, никогаш не би погодил кого треба да претставува – напишал друг.

Меѓу корисниците на интернер беа направени и споредби со разни ТВ-ликови, вклучувајќи ја и госпоѓа Даутфаер — омилената фиктивна домаќинка од истоимениот филм, толкувана од покојниот Робин Вилијамс.

Други, пак, беа попозитивни во врска со дизајнот, кој е изработен од еден од уметниците на ковачницата.

– Одлично. Драго ми е што направија нешто поврзано со кралицата Елизабета Втора, таа заслужува да биде одбележана на посебен начин – напишал еден корисник на социјалните мрежи.

– Ве молам изберете ме за една од овие монети – напишал друг.

Една жена што живее во САД коментираше дека „изгледа како прекрасна монета“.

И покрај критиките, колекционерите пријавија дека гласањето било целосно пополнето. Австралиските медиуми, повикувајќи се на портпарол на Кралската австралиска ковачница, објавија дека сребрените монети се распродадени, а дека има ограничени количини преостанати во нивниот контакт-центар и продавница.

Според веб-страницата на ковачницата, изработени се 30.000 монети од 50 центи и 5.000 од 5 долари — сите се колекционерски примероци и нема да влезат во општа јавна циркулација.

Покрај портретот на кралицата, монетите содржат и дизајни кои „симболично ги одразуваат многуте аспекти од животот и наследството на кралицата Елизабета Втора.

Тие вклучуваат мотиви на коњ и корги, мотиви со уметност и театар како обележје на „нејзината трајна поддршка на културата“, како и некои од нејзините омилени цвеќиња — рози и крин од долината. Претставен е и златниот багрем (golden wattle), националниот цветен симбол на Австралија.

– Дизајнот го вклучува кралскиот монограм на Нејзиното Величество, стилизирана круна на Свети Едвард и амблемот на Помошната територијална служба, со што се признава нејзината воена служба и доживотно чувство на должнос – објасниле ковачницата.

Во меѓувреме, на задната страна од монетите се наоѓа портрет во профил на синот на кралицата — кралот Чарлс.