Трговската војна меѓу САД и Кина ќе го намали глобалниот економски раст во 2019 година на најниско ниво од финансиската криза 2008/09 година. Предупреди денес Меѓународниот монетарен фонд, додавајќи дека изгледите може да се влошат доколку трговските тензии останат нерешени.

Во неодамнешниот извештај за „Светската економска перспектива“, ММФ предвидува глобален раст на БДП-то од 3,0 проценти во тековната година, што е пониско од јулската проекција од 3,2 проценти, пренесува „Ројтерс“.

Ревалоризацијата главно се должи на растечките последици од глобалното трговско превирање, се проценува во извештајот.

До 2020 година, најавените трговски тарифи ќе го намалат глобалниот БДП за 0,8 проценти, при што извршната директорка на ММФ, Кристалина Георгиева, минатата недела посочи дека ова е еднакво на загуба од 700 милијарди американски долари, што, рече таа, е приближно еднаква на целокупната вредност на швајцарската економија.

– Слабоста на економскиот раст се должи на нагло влошување на производствената активност и глобалната трговија, додека повисоките тарифи и продолжената неизвесност на трговската политика се штетни за инвестициите и побарувачката на капитални добра – рече главниот економист на ММФ, Гита Гопинат.

Глобалниот раст се очекува да забрза на 3,4 проценти во 2020 година, како резултат на подобрите перформанси во Бразил, Мексико, Русија, Саудиска Арабија и Турција.

Оваа прогноза, сепак, е една десетина од процентната точка помала од јули и е изложена на ризици, вклучувајќи влошување на трговските тензии, нарушувањата од Брегзит и ненадејното одбивање на ризикот на финансиските пазари.

Според проценките на ММФ, обемот на глобалната трговија ќе порасне со стапка од само 1,1 процент во 2019 година, пораст од 3,6 проценти во 2018 година, што претставува намалување од 1,4% од прогнозата од јули и 2,3 процентни поени пониски од прогнозата во април.

Растот на трговијата се очекува да закрепне на 3,2 проценти во 2020 година.