Младите фудбалери со пресврт ја совладаа Ерменија
Фудбалската репрезентација на Македонија до 21 година успеа да слави на последниот натпревар на домашен терен во квалификациите за пласман на ЕП 2023.
Младите фудбалери втората победа во квалификациите ја остварија над Ерманија и тоа со 3:1. Резултатот го отвори Ерменија и тоа во деветтата минута со голот на Симонјан.
Македонија успеа да дојде до израмнување во 22. минута со прекрасниот гол на Максимов кој откако се проби по левата страна, со одличен шут од аголот на шеснаесетникот погоди успеа да постигне гол. Избраниците на Драги Канатларовски до победата и трите бода дојдоа во самиот финиш од натпреварот преку Марио Илиевски и Сефер Емини.
Прво Илиевски во 85 минута погоди за 2:1, а потоа Емини со одличен шут во седмата минута од судиското продолжение го постави конечниот резултат.
Младите фудбалери во последното коло ќе играат против Украина во Истанбул на 5 јуни.