Легендарната холивудска актерка Мишел Фајфер (61) на 17 јануари купи нов имот и вила во Пацифик Палисад во елитниот дел од Лос Аџелес на океан, кој моментално го реновира.

Откако речиси еден месец помина во изолација поради пандемијата од коронавирусот, таа во вторникот реши да го посети имотот за да провери како се одвиваат работите со реновирањето.

Актерката, зад себе има три номинации за Оскар, заедно со својот втор сопруг Дејвид Е. Кејли го купија имотот во медитерански стил со големина од 10.300 квадратни мерки за 22,5 милиони долари, во јануари годинава.

Мишел за разгледување на градежните работи на новата вила облече џемпер и пар широки фармерки, а носеше сандали од модната куќа „Birkenstock“. Околу вратот можеше да се забележи црвена марама, а на главата плетен шешир.

Откако прошета неколку кругови во дворот, Фајфер поразговара и со човекот кој е одговорен за реновирањето.

Тој носел заштитна маска за лице, додека актерката му ги изнесувала своите желби и му објаснувала како сака целото тоа да изгледа.

Она што е интересно е дека при оваа посета два камиони донеа нешто што е сон на секоја славна убавица – да биде опкружена со бројни дрвја и цвеќиња, па токму тие дрвја и беа испорачани на преубавата Мишел, која сега го остварува сонот за совршен дом.