Македонија обезбеди најголем буџет за одбрана во изминатите три децении, тврди од Минхен министерот за одбрана Владо Мисајловски.

Според него, повеќе од 32 отсто од буџетот, предвидени за одбраната, се наменети директно за модернизација на Армијата, што подразбира реализација на нови проекти, сервисирање на преземените обврски од минатото, како и започнување преговори со повеќе држави уште од оваа година.

Мисајловски најави дека набргу се очекува склучување низа нови договори за набавки и за модернизација, со проекции за период од следните десет години.

Мицкоски се сретна со Кошта во Минхен

Министерот нагласи дека ваквите вложувања произлегуваат од обврските што земјата ги презела со членството во НАТО и од целите за развој на одбранбените капацитети, како и од потребата од понатамошно усогласување со новите стандарди и приоритети на Алијансата.

Тој потсети и на одлуката донесена во Хаг за зголемување на издвојувањата за одбрана на 3,5 отсто, оценувајќи дека станува збор за сериозен финансиски ангажман за државата.