Заводот за статистика на Европската Унија – Евростат денес објави дека 22 земји од 27 земји на ЕУ објавиле минимални плати на 1 јануари, кои во 14 земји се над 1.000 евра. Според податоците минималната плата е помала од 1.000 евра во Бугарија (620 евра), Латвија (780 евра), Романија (795 евра), Унгарија (838 евра), Естонија (886 евра), Словачка (915 евра), Чешка (924 евра) и Малта (994 евра).

Во осум земји минималната плата е помеѓу 1.000 и 1.500 евра – Грција (1.027 евра), Хрватска (1.050 евра), Португалија (1.073 евра), Кипар (1.088 евра), Полска (1.139 евра), Литванија (1.153 евра), Словенија (1.278 евра) и Шпанија (1.381 евра). Највисоките минимални плати се во Франција (1.823 евра), Белгија (2.112 евра), Холандија (2.295 евра), Германија (2.343 евра), Ирска (2.391 евра) и Луксембург (2.704 евра). При споредба на минималната плата и куповната моќ, Германија, Луксембург, Холандија, Белгија, Ирска, Франција, Полска и Шпанија се рангираа најдобро.

Втората група ги вклучува Словенија, Литванија, Хрватска, Романија, Португалија, Грција, Кипар, Унгарија, Малта, Словачка, Бугарија и Чешка. Латвија и Естонија имаат најлош сооднос на минималната плата и куповната моќ – објави Евростат.