Францускиот прволигаш Монако постигна договор со Ливерпул за купување на Такуми Минамино, објавија денеска британските медиуми.

„Скај“ пишува дека Монако на Ливерпул ќе му плати 15 милиони евра, а сумата може да се зголеми за дополнителни три милиони евра преку бонуси.

Во 2020 година, Минамино се пресели од Салцбург во Ливерпул и за англискиот тим одигра 55 натпревари и постигна 14 голови.

Втората половина од сезоната 2020/2021 ја мина како позајмен во Саутемптон, за кого даде два гола на 10 натпревари во Премиер лигата, пред минатото лето да се врати на „Енфилд“.