Михајло и Стерјев на средба пред ракометното дерби, испратија апел за мир на трибините

Фото: РК Вардар

Во пресрет на неделното дерби од македонската ракометна лига меѓу Вардар и Еурофарм Пелистер, двајцата претседатели на клубовите, Михајло Михајловски и Зоран Стерјев имаа состанок и издадоа заедничко соопштение кое можете да го прочитате во целост.

Во заедничкото соопштение, двајцата претседатели упатија апел до тренерите, играчите, навивачите и спортските љубители во недела да победи спортот, да победи моментно подобриот тим, да победи ракометот. За реализација на тоа, сите ние, директни (играчи и тренери) и индиректни актери на напреварот, треба максимално да придонесме секој во рамките на своите улоги, желбата да стане реалност.

Како први луѓе на клубовите, ние на терен, меѓусебе сме лути спортски ривали, но во исто време и добри спортски пријатели, и пријатели и надвор од спортот. Ние силно веруваме во спортската идеја и приказна, и ги правиме сите можни напори да овозможиме услови за да победи спорот и да победи моментално подобрата екипа, се вели во заедничкото соопштение на двата клуба.

Победникот се решава и треба да се решава на терен. Затоа сите ние треба позитивно да го поддржиме тој процес, да навиваме гласно, цивилизирано и коректно. Ниту едно запалено пиротехничко средство, ниту еден бокс или физички напад на трибините, фрлен камен пред сала, пред или после натпреварот нема да одлучува за победникот на натпреварот. Таквите појаби само ќе ја нарушат спортската атмосфера, ќе им наштетат на клубовите и ќе ја нарушат желбата да гледаме коректен, фер и квалитетен спортски ракометен натпревар, се вели во соопштението кое можете да го прочитате во целост.

Фото: РК Вардар

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот