Не се стопирани парите од ИПАРД од страна на Брисел, туку јас побарав тоа да го направи Министерството за финансии, изјави премиерот Христијан Мицкоски, одговарајќи денес на новинарско прашање.

-Не е вистина дека се блокирани средствата за ИПАРД. Напротив поздравена е акцијата од страна на луѓето од Европската Унија. Министерството за финансии ги стопира средствата. Да, јас тоа го побарав за да видиме до каде одат злоупотребите затоа што првичните злоупотреби велат дека не е тоа само од сега туку и наназад е правено, така што сè ќе истражиме и секој кој мисли дека така ќе помине се лаже. Ќе одговараат сите од прв до последен, кој сака нека биде — рече Мицкоски.