Мет Дејмон и неговата сопруга Лусијана уживале во ноќно излегување во Грција на островот Миконос, кога властите ги евакуирале по лажна закана за бомба во бар на плажа.

Мет Дејмон и неговото семејство биле меѓу гостите кои морале да бидат евакуирани од барот по страв од бомба.

Полициската управа на Миконос веднаш одговорила на анонимен мејл добиен во 23 часот, во кој лажно се тврди дека експлозивни направи имало во четири барови на плажа низ популарното одморалиште, пишува „Дејли мејл“.

@queen_casablanca #fypage #scorpiosmykonos #mykonos #mattdamon #jasonbourne ♬ πρωτότυπος ήχος – Elena Casablanca Nyamwaya Odul

Во областа Паранга, каде што се наоѓаат два од четирите барови на плажата, дури 4.000 туристи биле излезени кога се случила евакуацијата.

Гостите го напуштале местото на настанот, па тоа предизвикало сообраќаен метеж на најмалку половина од патиштата на островот.

Опишувајќи ја сцената, еден од сопствениците на барот изјавил за грчкиот медиум „Прототема“: „По добиеното известување од полицијата, веднаш ја намаливме музиката и мирно ги упативме нашите гости на безбедно. Тоа беше предизвикувачка ситуација, но успеавме да го одржиме редот“.

Локалната полиција подоцна потврди дека заканата била измама.