Лионел Меси денеска на пладне се прости од Барселона, клубот во кој е од неговата 13 година од животот.

Поради правилата на Ла Лига и поради катастрофалната финансиска состојба на Барселона, Меси не можеше да го потпише новиот договор и поради тоа стана слободен играч. Лео Меси денеска на последната прес-конференција на „Камп Ноу“ беше пречекан со аплауз од сите присутни.

– Веќе неколку денови размислувам што да кажам, но вистината дека е не знам. Ова е многу тешко за мене по толку години. Речиси целиот свој живот го поминав тука и не сум подготвен на ова. Искрено, тоа што се случуваше минатата година и тоа што се случува сега – не е исто. Оваа година, и јас и моето семејство бевме убедени дека ќе останеме во Барселона која е наш дом.

Беше неверојатно. Од градот, луѓето, самиот клуб. Денеска можам да ви кажам збогум на сите вас. Од својата 13 година сум тука и по 21 година заминувам со својата сопруга и трите каталонско-аргентински деца. Ова е нашиот дом и сакам да се заблагодарам на сите мои соиграчи, сегашни и поранешни.

You deserve better. 🐐😔 pic.twitter.com/S0vZvUcHhf

— Football Tweet (@Football__Tweet) August 8, 2021

Доживеав голема љубов тука, имаше премногу убави работи, но имаше и лоши. Клубот ми помогна да израмсна и да станам човек и фудбалер како што сум. Од првиот до последниот ден давав се од себе. Никогаш не помислив дека ќе дојде овој момент, не бев подготвен на вакво нешто. Не ги видов навивачите година и половина поради пандемијата. Кога го замислував своето простување, вертував дека „Камп Ноу“ ќе биде полн, но сепак мора да се заврши на ваков начин.

Messimania 👋pic.twitter.com/Zl7NdCJBUe

— Goal (@goal) August 8, 2021

Искрено, заборавив многу работи кои сакав да ги кажам, но ова е сега се што можам да ви го соопштам. Зборовите не излегуваат од мене – беа зборовите на Меси кои предизвикаа солзи кај речиси сите присутни во салата као и кај самиот фудбалер.

Се очекува следен клуб на Лионел Меси да биде ПСЖ, а медиумите шпекулираат дека официјалната промоција ќе биде во вторник.