Од Основниот кривичен суд Скопје информираат дека во првиот месец од пуштањето во употреба на системот „Безбеден град“ се поднесени вкупно 476 приговори по добиените казни за сообраќајни прекршоци.

Поголемиот дел од нив се поднесени од компании – 431 приговор, додека пак 45 се од физички лица. По стотиците приговори постапуваат постапуваат 16 судии од одделот за прекршоци, информираат од Кривичен.

Од судот истакнаа дека сите сите приговори се навремено заведени и во законскиот рок од осум дена се доставени до МВР, со што за сите ќе следи судско постапување.

Судот засега сè ште нема донесено правосилна судска одлука по овие приговори, од кои најголем дела се поднесени поради прекршоци за зголемена брзина, поминување на црвено светло и управување со нерегистрирано возило.

Од Кривичен како најголем предизвик ги посочија приговорите од лизинг-компании кои своите возила ги даваат на користење со договор за лизинг, како и од граѓани кои претходно ги продале или пренеле своите возила возила на друго лице, но не извршиле одјава во МВР, поради што прекршочните налози биле испратени на нивните мејл адреси.