Босна е земја украсена со различни религии, во неа католиците, православните и муслиманите се луѓе кои со векови ја градат оваа земја во духот на единството и меѓусебното почитување. За жал, политиката се меша со секојдневно поткопување на поделби меѓу народите во БиХ. Сепак, пријателствата на младите од различна вероисповед кои се градат секојдневно се еден столб кој ја држи и ја краси оваа земја. Различностите секогаш биле и ќе бидат најголемото богатство кое го поседува Босна и Херцеговина, вели порталот Cazin.ba

„Црковните ѕвона никогаш не му пречеле на муезинот“ – е позната поговорка која, како што велат, најдобро ја отсликува меѓуверската почит во оваа земја.

Токму таков пример на почит и љубов можеше да се види пред неколку дена во градот Цазин.

Имено, во градот на крајниот северозапад на БиХ, во еден локален ресторан бил организиран ифтар за 100 гости. Најубавото и најинтересно во оваа приказна е што ифтарот го приредил локален жител кој инаку е од православна вероисповед.

Според тамошните медиуми, овој човек сакал да остане анонимен, а со овој гест покажал што значи мултикултурализам, и како што велат, ова не е првпат.

Секоја година овој човек организира ифтар за муслиманите во БиХ. Тој за секој Бајрам се сеќава на сиромашните деца и ги наградува со некој подарок.