Во саботата фудбалерите на Реал Мадрид триумфираа на гостувањето кај Виљареал со 2:0 во рамките од 21 коло во најсилното шпанско првенство.

„Кралевите“ стигнаа до бодовите со двата гола на францускиот напаѓач Килијан Мбапе во 47 минута и во судиското надополнување (90+4`) од пенал.

Мбапе со овие два погодоци го надмина рекордот на бразилската легенда Роналдо.

Роналдо постигна 414 гола на 616 натпревари на клупско и репрезентативно ниво, а Мбапе сега има 416 гола на 549 ​​натпревари во својата професионална кариера.

Победата го искачи тимот на Алваро Арбелоа на врвот на табелата во Ла Лига, два бода пред второпласираната Барселона која својот меч од ова коло ќе го има в недела дома против Овиедо.