Матичните лекари утре ќе штрајкуваат: Пациентите да ги одложат неитните прегледи

Д-р Ненад Лазаров, Фото: Архива

Ординациите на матичните лекари утре цел ден нема да работат поради тоа што лекарите ќе протестираат. Поднесени се неколку барања до Министерството за здравство и до Фондот за здравство.

– Се прават списоци, но нема да работиме цел ден, освен за итни случаи. Протестот ќе се одвива онлајн, а барањата се стандардните – зголемување на капитацискиот бод, олеснување на административните процедури, како и тоа пациентите да бидат прикрепени не на факсимилот на лекарот, туку на самата здравствена установа – вели доктор Ненад Лазаров за „Слободен печат“.

Тој апелира денеска пациентите да ги одложат сите неитните посети на матичните лекари.

– Ако не бидеме послушани и не се изреагира веднаш, ќе следува бран на затворања ординации. За некоја година не ќе има кој да лекува. На политичарите не им е гајле. Нема веќе простор за молк и за игнорирање – додава д-р Лазаров.

Видео на денот