Крилниот фудбалер на босанскиот Железничар Сараево, Матеј Цветаноски, го продолжи договорот со клубот од Грбавица.

Македонскиот интернационалец Матеј Цветаноски ќе остане верен на „сините“ до 2027 година.

Нашиот играч е важен адут во тимот на Адмир Аџем. Досега оваа сезона играше како стартер, но доби шанса и од клупата и беше вистински „џокер“.

Цветаноски е член на Железничар две сезони, а откако пристигна во Грбавица, одигра вкупно 39 мечеви во сите натпреварувања.

Во тој период постигна пет гола и забележа пет асистенции.