Фудбалерите на Силекс славеа со минимални 0:1 на гостувањето кај Македонија Ѓорче Петров во натпревар од осмото коло во Првата фудбалска лига. Херој на Силекс е Дамјан Масевски кој го постигна единственот гол на натпреварот.

Масевски голот го постигна во 80 минута откако по изведениот корнер на Ристевски и грешката на одбраната на „лавовите“, од непосредна близина ја затресе мрежата на Стевковски.

Претходно, домашниот тим остана со играч помалку откако Лазаревиќ во 29 минута поради два жолти картони беше исклучен.

Силекс со првата победа на гостински терен, се искачи на второто место на табелата со 14 бода, четири помалку од лидерот Струга ТЛ, а три повеќе од третопласираната Шкендија. Македонија ЃП е осма со пет бода од шест натпревари.