Николас Отаменди со емотивна порака се прости од дресот на Аргентина
Аргентинскиот дефанзивец Николас Отаменди го потврди крајот на својата репрезентативна кариера. Отаменди играше за Аргентина 17 години, придонесе за освојувањето на Светското првенство во Катар 2022 и за двете титули во Копа Америка во 2021 и 2024 година.
Препорачано
🚨🇦🇷 Breaking: Nicolás Otamendi RETIRES from international football and will not play for Argentina anymore. pic.twitter.com/YLNBQwyEgd
— Fabrizio Romano (@FabrizioRomano) July 23, 2026
38-годишникот забележа 139 натпревари за Аргентина и беше дел од тимот што стигна до финалето на овогодишното Светско првенство во САД, Канада и Мексико.
Во видео објавено на Инстаграм, Отаменди се осврна на неговиот последен настап во дресот на Аргентина: „Судбината одлучи мојот последен натпревар да биде финале на Светското првенство. Тоа не беше резултатот што го сакавме, но си заминувам со крената глава затоа што оваа група се бореше до последната секунда. Ти благодарам Аргентина што ми дозволи да го остварам мојот сон да станам светски шампион“, напиша Отаменди.
Неодамна Отаменди се пресели во редовите на Ривер Плата во Аргентина. Со тоа, тој ја заврши 16-годишната кариера во Европа, каде што играше за Порто, Валенсија, Манчестер сити и Бенфика.
View this post on Instagram
Дефанзивецот кој ја започна својата кариера во Велез Сарсфилд, им се заблагодари на аргентинските навивачи за нивната „безусловна љубов“.
„Нè натеравте да почувствуваме дека секој пат кога се свиреше националната химна, не бевме само 11 играчи, туку милиони луѓе кои го бранеа истиот сон“, рече тој.
Отаменди исто така им посвети неколку зборови на играчите кои ќе бидат повикани да ја претставуваат Аргентина во иднина: „Никогаш немојте да престанете да верувате. Ќе има неуспеси кои изгледаат невозможно да се надминат, но овој дрес секогаш ги наградува оние кои го бранат со понизност, жртва и љубов. Држете ги главите високо, продолжете да се борите и не дозволувајте поразот да ви ги одземе соништата.“
„Трофеите остануваат во историјата, но љубовта кон овие бои трае цел живот“, рече играчот на Ривер Плата.
Отаменди веќе најави дека Светското првенство 2026 ќе биде неговиот последен турнир со Аргентина. Тој постигна осум гола на 139 настапи, вклучувајќи 21 натпревар на Светското првенство.
Дефанзивецот постигна осум голови во репрезентативната кариера, а неговиот најславен гол дојде во 2023 година, кога неговиот удар со глава ја обезбеди победата од 1-0 над Бразил на „Маракана“ во шестото коло од квалификациите за Светското првенство. Тоа беше првиот домашен пораз во историјата на Бразил на еден квалификациски натпревар.
Отаменди ја претставуваше Аргентина на четири светски првенства, Јужна Африка 2010, Русија 2018, Катар 2022 и САД, Мексико и Канада 2026.
