Марковски ќе биде тренер на женска ракометна екипа во Кина
Прославениот македонски репрезентативец, еден од најдобрите играчи во историјата на нашата земја, Иван Марковски, прифати интересен тренерски предизвик.
Како што информира „Балкан Хандбал“, поранешниот тренер на РК Металург се сели во Кина каде ќе ја предводи женската екипа Шандонг од Веихаи.
Тој ќе ја преземе функцијата на крајот на мај, тој потпиша договор со еден од најдобрите кинески клубови на три и пол години.
Воедно во тек се разговори и со тамошната федерација нешто подоцна да ја преземе и селекторската функција на женската ракометна репрезентација на Кина.
Ова не е прво искуство на Марковски во женскиот ракомет, бидејќи работеше во Франција како тренер на тимот на Авенуа. Во својата тренерска биографија го има и Е. Работник.