Од Министерството за внатрешни работи соопшти дека вo недела, на 10 мај, во претпладневните часови ќе се воведе посебен режим на сообраќајот во Скопје поради трка на 10 километри, со што ќе бидат затворени повеќе улици и булевари во главниот град.

Спортскиот настан го организира Сојузот на спортови на Скопје и ќе се одржи во периодот од 08:00 до 11:30 часот.

Трката ќе започне на булеварот „Илинден“, пред фонтаната „Лотос“, а трасата ќе се движи долж целиот булеварот „Илинден“, потоа по улицата „Никола Парапунов“ зад трговскиот центар „Сити мол“ до булеварот „Партизански одреди“, десно кон мостот „Влајко“, назад по „Партизански одреди“ до крстосницата со „Љубљанска“, потоа повторно десно по „Никола Парапунов“ и назад кон фонтаната „Лотус“.

Од МВР информираат дека возилата ќе бидат пренасочувани по околните улици.

На мапата подолу можете да ја погледнете трасата на трката и улиците кои ќе бидат блокирани.