Се ближи возбудлива завршница на ФА купот, во кое ќе играат големи клубови – а тоа значи и големи дербија. Извлечени се четвртфиналните двојки и нè очекува вистинско уживање за сите фудбалски фанови.

Натпреварите се закажани за 4 и 5 април, а меѓу првите осум се шест екипи од Премиер лигата, еден тим од Чемпионшип и еден тим од втората лига.

Без сомнение најголемо внимание се очекува да привлече пресметката помеѓу Манчестер сити и Ливерпул, кои се и едни од фаворитите за пехарот. Ова дерби од четвртфиналната фаза ќе се игра на „Етихад“.

Арсенал треба да гостува кај Саутемптон, додека Челси ќе ја има фаворитската улога против Порт Вејл.

Само Лидс не знае против кого ќе се соочи на гости, тоа ќе биде победникот од мечот меѓу екипите на Вест хем и Брентфорд.