Манчестер сити или Севиља: Атинска битка за првиот европски трофеј во сезоната
Денеска од 21.00 часот во Атина, Грција, ќе се игра УЕФА Суперкупот во кој ќе се сретнат победниците од минатата сезона во Лигата на шампионите и Лига Европа, Манчестер сити против Севиља.
Тоа ќе биде уште една можност за англискиот тим да испише нова страница во историјата, бидејќи никогаш не го освоил трофејот во Суперкупот. Од друга страна, клубот од Андалузија го брка вториот триумф во ова натпреварување (првпат славеше во 2006 година), но воедно загуби пет Суперкуп натпревари по ред.
– Само да се биде тука значи дека сте направиле голема работа – сте ја освоиле Лигата на шампионите или Лигата на Европа, и морам да кажам дека не е многу лесно. Сепак, за Севиља може да биде малку полесно, бидејќи тие многупати ја освојуваа Лигата на Европа – се пошегува тој. Менаџерот на Сити, Пеп Гвардиола, алудирајќи на годините на доминација на Севиља во споменатото натпреварување.
In three words, what will happen? 👇#SuperCup pic.twitter.com/MgY6JxSK0V
— UEFA Champions League (@ChampionsLeague) August 16, 2023
Севиља го освои единствениот трофеј во Суперкупот во 2006 година, а ривал тогаш беше Барселона.
– Се сеќавам на тој натпревар, Севиља победи со 3:0. Тоа е навистина одличен тим, кој освои многу и има одличен карактер – додаде Гвардиола, кој вечерва (и долгорочно) нема да може да смета на повредениот Кевин де Брујн.
Севиља ги загуби претходните пет натпревари од Суперкупот против Милан, Реал Мадрид двапати, Барселона и Баерн.
– Добро ме познавате и знаете дека не ѝ давам никаква важност на статистиката. Се работи за еден натпревар и сѐ е можно. Знаеме каков тим е Сити, но веќе победивме едно финале и мислам дека можеме да го направиме и ова – изјави тренерот на Севиља, Хозе Луис Мендилибар.