Денеска го знавме и вториот патник во финалето на англиското фудбалско натпреварување ФА купот, тоа е екипата на Манчестер јунајтед.

На стадионот „Вембли“ дури по пенал серијата „црвените ѓаволи“ успеаја да дојдат до победата против Ковентри.

Поведе Јунајтед со голот на Мектоминеј во 23 минута, а непосредно пред паузата предноста ја зголеми Мегваер (45+1`).

Јунајтед дојде и до 3:0 во 58 минута преку Фернандеш и тука веќе сите предвидуваа дека ова ќе биде една рутинска убедлива победа на фаворитот.

Но, Ковентри тука не застана и успеа до крајот на второто полувреме да постигне три гола и го однесе мечот во продолженијата. А тоа го направи со головите на Симс (71`), О`Хер во 79 минута и Рајт во самиот финиш (90+5`).

Мируваа мрежите во дополнителните 30 минути, па одлучуваа пеналите во кои Јунајтед беше подобар со 4:2.

Противник на играчите на менаџерот Ерик тен Хаг во финалето ќе биде Манчестер сити на 25 мај. Во првиот полуфинален меч фудбалерите на Пеп Гвардиола со 1:0 го елиминираа Челси.