Макрон го прашал Зеленски дали е вистина за силуваните Украинки, добил потврден одговор

Зеленски и Макрон на средба на 8. Февруари 2022 година/Фото: EPA-EFE/SERGEY DOLZHENKO

Нема значителен напредок во преговорите меѓу Украина и Русија, а грозоморните снимки од градот Буча кои ги виде цел свет не помагаат во текот на преговорите, соопшти вечерва Елисејската палата.

„Шокот од Буча не помага за напредокот на преговорите“, изјави извор од Елисејската палата по едночасовниот телефонски разговор меѓу францускиот претседател Емануел Макрон и украинскиот претседател Володимир Зеленски.

Изворот додаде дека Зеленски „сака да продолжи да одржува и да напредува во преговорите со Русија“.

Двајцата лидери, рече изворот, разговарале за конкретни мерки што треба да се преземат за „да се осигура дека руските злосторства нема да останат неказнето“. Ова ја вклучува неодамнешната француска понуда за дополнително финансирање на Меѓународниот кривичен суд.

Според изворот, Макрон повторил дека Франција е подготвена да придонесе во истрагата и документирањето на насилството врз цивилите и го прашал Зеленски за извештаите за наводно силување на Украинки од руски војници. Украинскиот претседател ги потврди тие извештаи, додаде изворот.

Тие разговараа и за опколениот и разурнат град Мариупол, а Зеленски го информираше Макрон дека само околу 2.000 луѓе се евакуирани од градот минатата недела поради руската блокада на хуманитарните коридори.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот