Стартува финалната проверка и темпирање на формата на најдобрата македонска машка ракометна репрезентација во пресрет на Европското првенство што ќе се одржи од 15 јануари до 1 февруари 2026 година.

Избраниците на селекторот Кирил Лазаров пристигнаа во Винтертур, Швајцарија, каде ќе учествуваат на „Жолтиот куп“.

Во периодот од 8 до 10 јануари нашите најдобри ракометари ќе ги одмерат силите со селекциите на Бахреин, Швајцарија и Украина.

Првиот меч Македонија ќе го има на 8 јануари против Бахреин од 20.30 часот, па на 9 јануари од 17.45 часот противник е Украина, а на 10 јануари од 18.00 часот ќе се соочи со Швајцарија.

Првиот тренинг во Винтертур, тимот ќе го одработи во попладневните часови, во терминот од 18.00 часот.

Минатиот месец во Пореч, македонската репрезентација во својот прв контролен меч пред настапот на ЕП, претрпе пораз од 26:23 против Хрватска.