Најдобрата македонска ракометна репрезентација предводена од селекторот Кирил Лазаров имаше уште еден контролен натпревар пред настапот на Европското првенство кое официјално ќе почне на 15 јануари.

Денеска нашите ракометари триумфираа со конечен резултат 35:27 против данскиот клуб Митјиланд.

Ова беше уште еден добар тест за избраниците на Лазаров во кроењето на тактичките замисли пред мечевите од прелиминарната фаза во групата Б во Хернинг.

Потсетување, во текот на подготовките нашата селекција во серијата пријателски натпревари стартуваше со пораз од Хрватска, па имаше учинок од две победи над Бахреин и Украина, и реми против Швајцарија во рамките од „Жолтиот куп“ во Винтертур.

Првиот натпревар на ЕП македонската репрезентација ќе го има на 16 јануари од 20.30 часот против еден од фаворитите за златниот медал, селекцијата на Данска.