Според хрватските медиуми, фудбалскиот клуб Риека наскоро ќе ја напушти Јован Манев (24). Според најавите, македонскиот репрезентативец следната сезона ќе ја помине на позајмица во српскиот прволигаш Нови Пазар кој ќе има опција за откуп.

Нашиот одбранбен играч пристигна во Риека од Турција во февруари, но не успеа да се наметне во тимот на Радомир Ѓаловиќ.

За Риека одигра само седум натпревари и има договор со клубот од Рујевица до лето 2027 година.

Во својата кариера, тој играше и за Осиек, Адана Демирспор и Брегалница. За сениорската репрезентација на Македонија одигра 11 натпревари и беше повикан на последните два собири.

Нови Пазар по четири одиграни кола во најдобрата српска лига има седум бодови и е моментно на шестото место во генералниот пласман.