Веќе е најавено дека македонскиот репрезентативец наскоро се очекува да го облече дресот на Барнли, клуб кој лани испадна од Премиер лигата.

Дарко Чурлинов, кој минатата сезона беше на позајмица во Шалке, ги започна подготовките летово во Штутгарт, одигра и неколку пријателски натпревари, а сега се најавува нов трансфер.

Менаџерот на Барнли, поранешниот репрезентативец на Белгија, Винсен Компани „одигра голема улога“ во одлуката на Чурлинов да ја напушти бундеслигашката екипа.

Тоа го потврди агентот на нашиот играч, Мехмер Есер за „НРЗ“, и Македонецот се најавува дека ќе биде 12 летно засилување за тимот на сезонава кој има амбиции да се врати во премиер лигашката елита.

Исто така, директорот на Штутгарт, Свен Мислинтат, вели дека се одржале разговори“ меѓу сите страни, а договорот сега е „добро напреднат“. Барнли наводно ќе плати околу четири милиони фунти или пет милиони евра плус бонуси.

Последните информации велат дека денеска Чурлинов треба да ги има лекарските прегледи, по што треба да следува и официјалниот потпис, а во меѓувреме треба да се решат уште неколку детали.

🚨| Visite médicale ce matin pour Darko Churlinov. Il reste encore quelques détails à régler avec Burnley. pic.twitter.com/iKwe9KE2j8

— VfB Stuttgɑrt Fr 🇫🇷 (@VfBStuttgartFr) August 15, 2022

Stuttgart's Darko Churlinov (22) is expected to arrive in England today ahead of finalising a move to Burnley, fee around €5m inc. bonuses. (Kicker) https://t.co/rqYxRkHtSx

— Get Football (@GetFootballEU) August 15, 2022