Владимир Егоров успеа да донесе златен медал за македонското борење од официјалниот меѓународен турнир „Дан Колов – Никола Петров“ во Пловдив, Бугарија.

Во категоријата до 61 килограм, нашиот натпреварувач на стартот со 11:0 го совлада Бугаринот Габриел Кондев.

Беше убедлив и над Ердал Галип од Бугарија со 10:0, а финале обезбеди по победата од 2:1 против Камил Керимов од Украина.

Во финалната борба за златото, Егоров беше поуспешен од Микита Абрамов од Украина со резултат со 4:0.

Вкупно 320 учесници од 24 земји се натпреваруваа на 63 издание на престижниот меѓународен турнир во Пловдив.