Македонската репрезентација има нова шанса за пласман на СП?
Мексико нема да ги организира квалификациите на Северна Америка и Карибите кои требаше да го донесат 31 учесник на Мундијалот во Египет.
Ситуацијата со коронавирусот ја донесе и одлуката околу тоа дека нема услови за одржување на меѓуродниот турнир во следниот период, и сега се поставува прашање која репрезентација ќе добие „билет“ за настап на наредното Светско првенство.
Од претходно се познати 30 учесници на СП, помеѓу кои се и двете репрезентации добитнички на „вајлд-кард“, Полска и Русија.
Останаа уште две места, наменети за победниците на квалификациските турнири на Јужна и Централна Америка, односно Северна Америка и Карибите (турнир во Салвадор од 19 до 25 октомври).
Дали Светската ракометна федерација (ИХФ) ќе одлучи да додели место за некоја од тамошните селекции по системот „вајлд-кард“ или нова шанса ќе добијат селекциите како Македонија, Србија и Црна Гора, кои веќе неуспешно аплицираа во трката со Полјаците и Русите, останува да видиме.