На престижниот Балтик Куп во Гдиниа – Полска, репрезентативката на Македонија Џенифер Реино го освои бронзениот медал кај јуниорките во категорија -57 кг.

Во полуфиналето Реино загуби од полската натпреварувачка Марцелина Вроцлавек со резултат 10:0.

На истиот куп во текот на денешниот ден ќе настапи во кадетска конкуренција што воедно ќе биде нејзин последен контролен натпревар пред Европското Првенство.

Претходно Реино како дел од подготовките за учество на ЕП за кадети, учествуваше на тренинг кампот Будо-Норд во Шведска каде учество зедоа околу 700 џудисти од Шведска, Данска, Полска, Германија, Франција и Велика Британија.

Минатиот месец „Миоки Џудо“ клубот успеа да се закити со четири златни и еден бронзен медал на меѓународниот турнир „Скопје Опен 2022“.