Македонска пошта соопшти дека го смета за крајно тенденциозно, несериозно и политички мотивирано организирањето штрајк во услови кога платата за сите вработени е веќе обезбедена.

Тие наведуваат дека штрајкот го организира еден од синдикатите, иако, како што тврдат, синдикалните претставници биле навремено информирани дека проблемот со исплатата е решен.

„Работиме за минимална плата и таа не ја добиваме навреме“ – вработените во „Пошта“ излегоа на протест

„Крајно тенденциозно и несериозно е организирањето штрајк во услови кога за сите вработени платата е обезбедена. Од тие причини веруваме дека станува збор за политички мотивиран штрајк, а вработените се изманипулирани, со што се нарушува нормалното функционирање на претпријатието“, соопштуваат од Македонска пошта.

Во соопштението се упатува апел до сите синдикални организации да се вклучат во решавањето на предизвиците без, како што велат, да подлегнуваат на провокации и манипулации.