Македонија во нападот со Тричковски и Стојановски против Ерменија!
Селекторот на македонската А репрезентација, Игор Ангеловски ги одреди првите 11 кои ќе стартуваат вечерва од 18.00 часот во решавачкиот натпревар за првото место во групата кое води во Лигата „Б“.
Противник во Никозија (Кипар) е селекцијата на Ерменија, а до врвот можеме и со реми, но нашиот стратег посакува ова издание да биде завршено со уште еден триумф.
На голманската позиција е Шишковски, во одбраната Велковски, Муслиу и Зајков, потоа во средниот ред се Ристовски, Тотре, Костадинов и Бејтулаи, а во нападот Тричковски и Стојановски, веднаш зад нив е Трајковски.
Шанса од клупата ќе чекаат Богатинов, Мицевски, Трајчевски, Дориев, Китановски и Несторовски.
Стартниот состав на Ерменија: Јурченко, Хамбарѕумјан, Харојан, Восканјан, Ховханисјан, Григорјан, Удо, Барсегјан, Корјан, Хакобјан, Карапетјан.