Мајкл Џордан е најзаслужен што продолжува сезоната во НБА
НБА лигата ќе се доигра, а еден од најзаслужните за донесувањето на ваква одлука е легендарниот кошаркар и сопственик на Шарлот хорнетс, Мајкл Џордан.
Лигата беше суспендирана по одлуката на кошаркарите да бојкотираат, по што три натревари од плеј-офот не се одиграа, а причина за ваквиот потег е ранувањето на 29-годишниот Афроамериканец Џејкоб Блејк кој беше застрелан со седум куршуми од полицијата во Висконсин.
Поради тоа се одржани неколку состаноци помеѓу кошаркарите, сопствениците на екипите и челниците на НБА лигата, а американските медиуми наведуваат дека најзаслужен што сезоната ќе продолжи и е прекинат бојкотот е Мајкл Џордан.
Токму Џордан посредувал помеѓу кошаркарите и сопствениците на екипите пред да се одржат официјалните преговори.
ESPN’s Jackie MacMullan on Michael Jordan’s impact in bridging the gap between NBA players and owners. https://t.co/qAP2LLC0m8
— Adrian Wojnarowski (@wojespn) August 27, 2020
„Мајкл го контактираше претседателот на Унијата на кошаркари Крис Пол пред состанокот на сопствениците за да сфати што сакаат играчите. Разговараше и со Расел Вестбрук по што на останатите сопственици им порача дека во овие моменти е најважно да слушаат, а не да зборуваат“, објавуваат медимите.
Токму Џордан е еден од најголемите заговорници за продолжување на сезоната.
„Тој на играчите им порача дека натпреварите се најдобрата пларформа за ипраќање на пораки“, додаваат медиумите.