Германскиот ракометен клуб Магдебург триумфираше во финалето на Фајнал-фор турнирот во ЕХФ Лигата на шампионите во Келн откако со 30:29 по продолженијата славеше над Кјелце од Полска.

Во победничките редови осумпати во листата на стрелците се запиша Смитс, а по шестпати Кристјансон и Нилсен Дамгаард.

На спротивната страна осум погодоци запиша А. Дујшебаев, а по три помалку Морито и Наи.

За Магдебург ова е четврта европска титула во клупската историја, претходните три ги освои во 1978, 1981 и 2002 година.

Кјелце кој го играше своето четврто финале (второ по ред) останува на единствената титула од 2016 година.

За најкорисен играч (МВП) беше прогласен Исланѓанецот Гисли Кристјансон, ракометарот на Магдебург.

Барселона „бронзена“ на Ф4 турнирот во ЕХФ Лигата на шампионите