Мадуро: ЕУ го уценува дијалогот меѓу власта и опозицијата во Венецуела со нови санкции – Слободен печат
ВестиПланета

Мадуро: ЕУ го уценува дијалогот меѓу власта и опозицијата во Венецуела со нови санкции

Американското Министерство за финансии, пак, соопшти дека вовело санкции против четворица офицери на воено-разузнавачката служба на Венецуела по смртта на еден војник кој е уапсен поради наводно учество во обидот за државен удар.

Претседателот на Венецуела Николас Мадуро ги смета како „уцена” заканите на ЕУ со нови санкции доколку преговорите меѓу власта и опозицијата во земјата не бидат успешни.

Високата претставничка на ЕУ за надворешна политика и безбедност Федерика Могерини изјави дека ЕУ „ќе ги прошири санкциите” против властите во Венецуела доколку преговорите завршат без ниту еден конкретен резултат.

– Федерика Могерини сака да го уценува дијалогот. Сметам дека нејзината изјава е злонамерна и апсурдна – истакна Мадуро, додавајќи дека Венецуела не прифаќа притисоци и уцени.

Американското Министерство за финансии, пак, соопшти дека вовело санкции против четворица офицери на воено-разузнавачката служба на Венецуела по смртта на еден војник кој е уапсен поради наводно учество во обидот за државен удар.

Венецуела долг период минува низ длабока политичка криза поради борбата меѓу Мадуро и опозицискиот лидер Хуан Гуаидо, кој се прогласи за привремен претседател на државата и е признат од педесетина земји, меѓу кои и САД.

Земјата е погодена и од сериозна економска криза, која дополнително е влошена поради американските финансиски санкции кои се воведени во обид да се собори Мадуро од власт.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close