ЛШ: Се враќаат Атман и Горпишин, Вардар без Горбок против Кјелце! – Слободен печат
РакометСпорт

ЛШ: Се враќаат Атман и Горпишин, Вардар без Горбок против Кјелце!

Тренерот на „црвено-црните“, Едуард Кокшаров, повторно се одлучи за тројца голмани, а во тимот е и летонскиот „џин“ Кристопанс за вечерашниот спектакл во СЦ „Јане Сандански“.

Денеска од 17.30 часот македонскиот и европски шампион ќе води важна битка во зацврстувањето на втората позиција на табелата во групата „Б“, Вардар ќе ги одмери силите против незгодниот состав од Полска, Кјелце.

Во редовите на Кјелце настапуваат двајца поранешни играчи на Вардар, а како што и најави и верната навивачка група „Комити“, денешниот ден ќе биде посебен за хрватскиот плејмејкер Игор Карачиќ.

Тренерот на Вардарци, Едуард Кокшаров, како што и самиот најави составот до последен момент пред мечот ќе се крои, а во него се враќаат Атман и Горпишин.

Поради повреда ќе отсуствува Горбок (повикан е Кукуловски), а повторно ќе се има на располагање тројца голмани, покрај Гедбан и Кугис, тука ќе биде уште и младиот талентиран Кизиќ кој го привлече вниманието (и на ЕХФ) со своите клучни одбрани во триумфот над Мешков Брест.

Составот на Вардар за денешниот натпревар против Кјелце: Гедбан, Кугис, Кизиќ, Атман, Чупиќ, Дибиров, Димитриоски, Дисингер, Горпишин, Калараш, Кристопанс, Кукуловски, Шишкарев, Сикошек Пелко, Скубе, Стоилов.

Лига на шампиони, 7. коло

Група „Б“

Сабота: Вардар-Кјелце (17.30 часот), Мешков Брест-Веспрем (19.30 часот)
Недела: Мотор Запорожје-Монпелје (18.00 часот), Кил-Порто (19.00 часот)

Табела:

1.Кил 11 бодови
2.Вардар 8
3.Кјелце 7
4.Монпелје 7
5.Веспрем 6
6.Порто 6
7.Мешков Брест 2
8.Мотор Запорожје 1

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close