„Комити“: Да му се поклониме на Карачиќ за сите солзи и радости! (ФОТО) – Слободен печат
РакометСпорт

„Комити“: Да му се поклониме на Карачиќ за сите солзи и радости! (ФОТО)

Навивачката група на Вардар вели дека Карачиќ не е Македонец по род, но е Комита и Македончиште по душа и убедување.

Македонскиот и европски шампион в сабота од 17.30 часот во СЦ „Јане Сандански“ – Скопје во седмото коло од ЛШ ќе го пречекаат полскиот состав на Кјелце.

Моментно ракометарите на тренерот Едуард Кокшаров се на второто место во групата „Б“ со осум бодови (три помалку зад лидерот Кил), еден повеќе од третопласираниот Кјелце и Монпелје на четвртата позиција со по седум бодови.

Важна битка во битката за второто место, повторно се очекуваат полни трибини, а по повод овој дуел против Кјелце во чии редови настапува екс играчот на „црвено-црните“, кој остави длабока трага во главниот град, Хрватот Игор Карачиќ, навивачката група на Вардар, „Комити“ излезе со соопштение:

фото/фејсбук/рк вардар

– Има многу играчи кои ќе не задолжија со своето залагање, борбеност, талент и харизма, многумина кои ни подарија моменти на кои секогаш ќе се сеќаваме, на кои ќе се гордееме и ќе раскажуваме дека сме имале привилегија да сме нивни современици и да ги доживееме…

Тешко е да доловиме што е она што значи овој човек за нас и за Вардар, но ако мора да има еден кој вечно ќе стои високо на пиедесталот, ако има еден на кој треба името да му го славиме а не е во Вардар, ако има еден кој заслужува да му биде подигнат споменик, тој еден не е Македонец по род, но е Комита и Македончиште по душа и убедување…Тој е тој, легендата – Игор Карачиќ!!!

Да му се поклониме и заблагодариме за сите солзи и радости, за сите моменти поминати заедно.
Игор е наш, наш и ќе остане.
Сите во сала!!!

-„Комити“-

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close