ЛШ: Барселона преку Флензбург до учество на Ф4 турнирот

Барселона е актуелен европски ракометен шампион/Фото: EPA-EFE/FOCKE STRANGMANN

Денеска и во вториот натпревар од четвртфиналето во ЕХФ Лигата на шампионите славеше Барселона против Флензбург со 27:24.

Во првиот меч одигран во Германија каталонскиот гигант триумфираше со четири голови разлика (33:29).

На тој начин Барса, која е најтрофејната екипа во историјата на ЛШ (со 10 титули) четврта година по ред ќе биде дел од Фајнал-фор турнирот во Келн (18/19 јуни 2022 год.)

За шпанскиот претставник, кој е инаку актуелен европски шампион од минатата сезона, Мем запиша шест голови, а пет Бенали.

Во редовите на Флензбурт шестпати во листата на стрелците се запиша Ване. Во средата учество на завршниот турнир обезбедија уште Веспрем на македонскиот репрезентативец Дејан Манасков и полскиот Кјелце.

Видео на денот