45-годишен ловџија од Свети Николе доби кривична пријава откако полицијата во неговата куќа пронашла месо од срна која ја отстрелал пред неколку месеци, соопшти МВР.

„СВР Штип поднесе кривична пријава против Г.Д.(45) од Свети Николе, поради постоење основано сомнение за сторени две кривични дела „неовластено ловење, чување и отуѓување на диви животни и птици“ и „неовластено изработување, држење, посредување и тргување со оружје или распрскувачки материјал“, велат од полицијата.

„На 01.04.2023, по извршен претрес во куќа и помошни простории на пријавениот, пронајдени и одземени се месо од дивеч – срна, од извршен улов во месец јануари во с.Крушица, додека во неговото возило „Шаран“ пронајдени се и одземени пиротехнички средства“, се додава во соопштението.