Ливерпул без Салах и Фирмино на турнејата во САД
Во вторник во утринските часови „редси“ ќе отпатуваат за САД, а прва дестинација ќе им биде Индијана каде што в петок ќе одиграат пријателски натпревар против Борусија Дортмунд на „Нотр Дам“ стадионот.
Потоа, европскиот шампион ќе се пресели во Бостон каде што ќе имаат тест со Севиља на „Финвеј Парк“, а во Њујорк на „Јенки“ стадионот за ривал го имаат Спортинг Лисабон на македонскиот репрезентативец Стефан Ристовски.
The confirmed 28-man travelling squad for our tour of the US ✈️?? #LFCPreSeason
— Liverpool FC (@LFC) July 15, 2019
Поради настапите во своите национални репрезентации меѓу повиканите не се наоѓаат најголемите ѕвезди Алисон Бекер, Роберто Фирмино, Мохамед Салах и Наби Кеита.
Да додадеме уште дека голманот Камил Грабара потпиша нов долгорочен договор со клубот, а наредната сезона ќе оди на позајмица во Хадерсфилд таун.
Составот на Ливерпул за турнејата во САД:
Клајн, Фабињо, Ван Дијк, Вијналдум, Ловрен, Милнер, Гомез, Хендерсон, Окслејд-Чемберлејн, Лалана, Мињоле, Брустер, Робертсон, Орижи, Матип, Кент, Луис, Филипс, Џонс, Хувер, Ојрзински, Данкан, Вудбрн, Вилсон, Ларуси, Александр-Арнолд, Ван ден Берг, Атертон.